നിറമിഴികൾ തിരിച്ചു നീ നില്ക്കവേ ,
നടവഴികടന്നു ഞാൻ യാത്രയാവട്ടെ ,
കരുതുക, നമ്മളിരുവർ ചേർന്നെഴുതിയ
ജീവിതചിത്രം നിന്നന്തരംഗത്തിൽ
മരണം വാതില്ക്കൽ മുട്ടിവിളിക്കവേ
മറുവാക്കുപോലുമേയിന്നില്ല, ചൊല്ലുവാൻ,
വേദന തീർക്കുമേകാന്ത ദ്വീപിലെ
വാസമവസാനിപ്പിച്ചിടുന്നു ഞാൻ .
നിഴലുപോലെ നീ എന്റെ കവിതയിൽ
എവിടെയും വന്നു സ്ഥാനമുറപ്പിച്ചു
അടരുവാൻ വയ്യാത്ത മിഴിനീരുപോലെ നീ
മരണമേ വന്നു വാതിൽക്കൽ നില്പ്പൂ!
സ്മൃതി കവാടങ്ങൾ , ജ്വാലാമുഖങ്ങൾ
അഴിമുഖംപോലെ വാപിളർന്നീടുന്നു
ദുരിത ജീവിതം; പയ്യാരം പറയുമ്പോൾ
കഴിവതെങ്ങനെ കവിതയെഴുതുവാൻ !
മമ സഖി നിന്നെ വല്ലാതെ ഞാനെൻറെ
സ്വാർത്ഥ ചിന്തതൻ വേരിൽ കൊരുത്തിട്ടു
കാടു കേറിയ ജീവിതാസക്തിതൻ
മേട്ടിലെ സിംഹരാജനായ് ഞാൻ വാണു
എന്റെയിംഗിതം മാത്രമായ് ചിന്തയിൽ ;
നിറവേറ്റിടാൻ പണിപ്പെട്ട വളരെ നീ .
യാത്രപോകുന്നീ വേളയിൽ ചൊല്ലട്ടെ
മാപ്പ് -എന്നുള്ള രണ്ടക്ഷരം മാത്രം!
നടവഴികടന്നു ഞാൻ യാത്രയാവട്ടെ ,
കരുതുക, നമ്മളിരുവർ ചേർന്നെഴുതിയ
ജീവിതചിത്രം നിന്നന്തരംഗത്തിൽ
മരണം വാതില്ക്കൽ മുട്ടിവിളിക്കവേ
മറുവാക്കുപോലുമേയിന്നില്ല, ചൊല്ലുവാൻ,
വേദന തീർക്കുമേകാന്ത ദ്വീപിലെ
വാസമവസാനിപ്പിച്ചിടുന്നു ഞാൻ .
നിഴലുപോലെ നീ എന്റെ കവിതയിൽ
എവിടെയും വന്നു സ്ഥാനമുറപ്പിച്ചു
അടരുവാൻ വയ്യാത്ത മിഴിനീരുപോലെ നീ
മരണമേ വന്നു വാതിൽക്കൽ നില്പ്പൂ!
സ്മൃതി കവാടങ്ങൾ , ജ്വാലാമുഖങ്ങൾ
അഴിമുഖംപോലെ വാപിളർന്നീടുന്നു
ദുരിത ജീവിതം; പയ്യാരം പറയുമ്പോൾ
കഴിവതെങ്ങനെ കവിതയെഴുതുവാൻ !
മമ സഖി നിന്നെ വല്ലാതെ ഞാനെൻറെ
സ്വാർത്ഥ ചിന്തതൻ വേരിൽ കൊരുത്തിട്ടു
കാടു കേറിയ ജീവിതാസക്തിതൻ
മേട്ടിലെ സിംഹരാജനായ് ഞാൻ വാണു
എന്റെയിംഗിതം മാത്രമായ് ചിന്തയിൽ ;
നിറവേറ്റിടാൻ പണിപ്പെട്ട വളരെ നീ .
യാത്രപോകുന്നീ വേളയിൽ ചൊല്ലട്ടെ
മാപ്പ് -എന്നുള്ള രണ്ടക്ഷരം മാത്രം!
4 comments:
നല്ല കവിത.ഇഷ്ടമായി
ശുഭാശംസകൾ...
ഇപ്പോഴെങ്കിലും തോന്നിയല്ലോ!!
ishtappettu....
അജിത് , സൗഗന്ധികം, അനുരാജ് , അഭിപ്രായങ്ങൾക്ക് നന്ദി.
Post a Comment