സൗഹൃദം

ഹൃദയം ഹൃദയത്തിൽ ചേർത്തുവെയ്ക്കുന്നൊരീ

അനുപമസുന്ദരഗാനമീ സൗഹൃദം

ഹൃദയത്തിൽ തുളസിക്കതിരിൻറെ നൈർമ്മല്യം

പകരുവാനെത്തുന്ന തണുവാണീ സൗഹൃദം

മരതകമാണിക്യമുത്തുപോൽ സ്നേഹത്തിൻ

രത്നങ്ങൾ വാരിവിതറുമീ സൗഹൃദം

മനതാരിൽ ആശകൾ പൂവിടാനെന്നും

വിശ്വാസതണ്ണീരാൽ നനച്ചിടും സൗഹൃദം.

വരിക നീ സൗഹൃദകിളിമകളെ

പാടുക നീയിന്നെനിക്കായി പാട്ടുകൾ

വരിക,  തരിക  നിൻ ജീവിതം,  നമുക്കായി

കരുതുക നാം കണ്ട സ്വപ്നങ്ങളോമലേ

പോവാം നമുക്കായി നാം നെയ്തെടുത്തൊരാ

സ്വപ്നസ്വർഗ്ഗങ്ങൾ തേടി നാമോമലേ

പാടാം നമുക്കവിടെ പ്രേമത്തിൻ ഗാനങ്ങൾ

ശ്രുതിചേർത്തു താളമായ് ലയമായ് നാദമായ്,

കൈപിടിച്ചീടുക, മുന്നോട്ടു കാൽവെച്ചു

പോവാം നമുക്കാ സൗഹൃദപൂന്തോപ്പിൽ.