മഴയില് നനഞ്ഞെത്തുന്ന യുവസുന്ദരീ
എന്റെ മനസ്സില് കുളിരായി വന്നവളേ
നിറമെഴും ആടയില്, വര്ണ്ണങ്ങള് വിതറീ
മലയാളത്തിരുമുറ്റം തേടി വന്നു
മനതാരിലൊരു കുഞ്ഞു സ്വപ്നത്തി ന്
നിറവായി പ്രകൃതീമനോഹരീ വന്നു നിന്നൂ
മഴയില് കുളിച്ചു നീ വന്നൂ ; വേനല്
മഴയുടെയാലിംഗനമറിഞ്ഞൂ.
തളിരിലതോറും വിടര്ന്നോരായൌവന-
പുളകത്തിന് തേന്മഴയില് നീയലിഞ്ഞൂ
ഉടലില് പുതുപൂക്കള് വിരിയുന്ന വേളയില്
പ്രകൃതീ നീയിന്നു വ്രീളാവിവശയായ്
പുതുനാമ്പിനായ് മണ്ണിലുയരുന്ന തേങ്ങലില്
ഹൃദയം വികാരാര്ദ്രമായ് പെയ്തതോ നീ
ഒഴുകുമാതെളിനീരില് പുഴയുടെ തീരത്ത്
പുളകോദ്ഗമത്തിന്റെ മിന്നലാട്ടം
മഴയില് കുതിര്ന്നയെന് സുന്ദരീ
പ്രകൃതീ അരുളുക നിന്പ്രേമ
സാഫല്യമിന്നു നീ തളിരായ്, കനിയായ്
പുതുനാമ്പിന് കുരുന്നായ്
കനിയുക, കനിയുക പെണ്ണേ !
പെണ്മയായ് പൊലിയുക
പൊലിവിന് കുഴല്വിളി
ഉയരുന്നു വാനില്; പൊലിക, പൊലിയേ
പൊലി , പൂപ്പൊലി, ഉണരുക പെണ്ണേ
പൊലിയേ പൊലി പെണ്ണേ, നിറയുക പെണ്ണേ
അഴകുമാരോഗ്യവും, നിറവും നിറച്ചാര്ത്തും
ഉയിരും, നിറഞ്ഞ നിന് പുതുമുളക്കായി
പ്രകൃതീ, ഇന്നു നീയുണരുക പെണ്ണേ
പൊലിവായ് നിറവായ് ഉണരുക നീ !
3 comments:
കൊള്ളാം
പ്രകൃതീ അരുളുക നിന്പ്രേമ
സാഫല്യമിന്നു നീ തളിരായ്,കനിയായ്
നല്ല വരികൾ
ശുഭാശംസകൾ....
പ്രകൃതീ, ഇന്നു നീയുണരുക പെണ്ണേ
പൊലിവായ് നിറവായ് ഉണരുക നീ !
Post a Comment