Ettumanoor Visheshangal

Friday, September 7, 2012

ചാവുകടല്‍


തളം കെട്ടികിടക്കുന്ന ഈ ചുടുചോരയില്‍
എന്റെ സ്വപ്നങ്ങളും, മോഹങ്ങളും
കരിഞ്ഞുണങ്ങിയ ഈ വഴിത്താരയില്‍
യൌവന തീഷ്ണമായ ഒരു കാലഘട്ടത്തിന്റെ
പെയ്തൊഴിഞ്ഞ ഈറന്‍ സന്ധ്യയില്‍
നെഞ്ചിലാഴ്തപ്പെട്ട
വഞ്ചനയുടെ
കത്തിമുനതുമ്പില്‍
ഞാന്‍ പിടയുമ്പോള്‍
എണ്ണി തിട്ടപ്പെടുത്താന്‍
മുറിവുകളുടെ
ആഴവുംബലിക്കല്ലില്‍ തലയറുക്കപ്പെട്ട
ഇരകളുടെ എണ്ണവും മാത്രം ബാക്കിയായി.
എന്റെ നെഞ്ചില്‍ നിന്നുതിര്‍ന്ന
ചോരയുടെ രൂക്ഷ ഗന്ധം പോലും
നിന്റെ സിരകളെ ത്രസിപ്പിച്ചു.
അപ്പോള്‍ പോലും യുദാസിനെപ്പോലെ
നീ എനിക്കേകിയ അന്ത്യചുംബനം
മാത്രമേ എന്റെ
ഹൃദയത്തെ
മുറിപ്പെടുതിയതുള്ളൂ .....
എന്റെ രക്തതിരകള്‍ ആര്‍ത്തലക്കുന്ന
ഈ ചാവുകടലില്‍
ഒരു പൊങ്ങുതടിപോലെ
നീ ശയിക്കുന്നത്‌
എന്റെ ജീവിതത്തിന്റെ
അവസാന ബിന്ടുവിലാനെന്നു
നീയോര്‍തില്ലല്ലോ!
ഈ ചാവുകടല്‍ എന്റെയും
നിന്റെയും
അവസാന കൂടിചെരലിന്
സാക്ഷ്യം വഹിക്കുന്ന
ആ നിമിഷത്തിനായി ഞാന്‍ കാത്തിരിക്കുന്നു.

1 comment:

RASHAD.V.P.KOORAD said...

blog manoharamaayirikkunnu.iniyum uyarangalilethan prarthikkunnu.